យុវជន និងបរិស្ថានល្អ…….!

ចលនាយុវជនគណបក្ស សម រង្ស៊ី ខិតខំធ្វើសកម្មភាពយ៉ាងស្វិតស្វាញបំផុត ដើម្បីការពារ បរិស្ថានល្អគ្រប់ទីកន្លែងទាំងអស់ទូទាំងប្រទេសកម្ពុជា។

យុវជនគណបក្ស សម រង្ស៊ី ជាមួយនិងបរិស្ថានល្អ ព្រមជាមួយនិងសុខមាលភាពមាំមួន របស់ប្រជាពលរដ្ឋកម្ពុជាទាំងឡាយ។

រូបថតនេះ ជាសកម្មភាពចលនាយុវជន សម រង្ស៊ី ជួបជុំគ្នា ក្រោយពីការធ្វើអនាម័យតាមទី​សាធារៈក្នុង ក្រុងបាត់ដំបង ដែលដឹកនាំដោយលោក សួន សំរើន ប្រធានយុវជនខេត្ត៕

យុវជនជាកំលាំងនៃការផ្លាស់ប្តូដ៏សំខាន់បំផុត….!

បើយើងនិយាយ អំពីការរៀបចំសង្គមឡើងវិញឲ្យមានភាពរីកចំរើនប្រកបដោយចីរភាព នោះយើងត្រូវតែគិតអំពីការចូលរួមយ៉ាងសកម្មពីសំណាក់កំលាំងយុវជន ជាពិសេសបំផុត

មានន័យថា កំលាំងយុវជនជាកំលាំងនៃការផ្លាស់ប្តូ ដូច្នេះបើយើងចង់ធ្វើការផ្លាស់ប្តូសង្គម ជាតិយើងឲ្យមានការអភិវឌ្ឍន៏ វត្តមានចលនាយុវជនជាប្រភពដ៏ចាំបាច់បំផុត៕

យុវជនដែលធ្វើដំណើរដឹកនាំមុខគេ គឺលោក សួន ចំរើន ប្រធានចលនាយុវជន សម រង្ស៊ី ប្រចាំសាខាខេត្តបាត់ដំបង។

 

ដើម្បីជាតិ ត្រូវតែឆ្លៀតលើកទឹកចិត្តអ្នកតស៊ូដើម្បីជាតិ..!

វាជារឿងមួយដ៏គួរឲ្យរំជួលចិត្តបំផុត គឺក្រោយពីការប្រជុំចប់ ពួកយើងទាំងអស់គ្នាត្រូវបាន លោក អា គារ៉ា (A Kira) វីរជនដោះមីនកម្ពុជា អញ្ជើញទៅអាហាថ្ងៃត្រង់ជុំគ្នានៅអាហាដ្ឋាន Chhaya ។ កាយវិការលោក អា គារ៉ា និងសហការីរបស់គាត់ជនជាតិអូស្រ្តាលី ៣នាក់ផ្សេង ទៀតនេះ ជាកាយវិការលើកទឹកចិត្តដល់ពួកយើងទាំងអស់គ្នាយ៉ាងពិតប្រាកដ។

លោក អា គារ៉ា ជាកុមារកំព្រា ដែលគាត់អាចដោះមីនបាន ដោយប្រើតែឈើជាឧប្បកណ៏។

បុរសអង្គុយក្បាលតុស្លៀកពាក់ខោអាវប៉ារ៉ា គឺលោក អា គារ៉ា ជាវីរជន CNN ដោះមីនកម្ពុជា

 

ការរៀបចំផ្ទៃក្នុងបក្សឲ្យរឹងមាំ ជាកត្តាចាំបាច់បំផុតសំរាប់បក្សនយោបាយនីមួយៗ!

នៅវេលាម៉ោង០៨:៣០ព្រឹក ថ្ងៃទី០១ ខែកក្កដា ឆ្នាំ២០១១នេះ ទីស្នាក់ការគណបក្ស សម រង្ស៊ី ខេត្តបាត់ដំបង ខ្ញុំបានដឹកនាំប្រជុំពង្រឹងសមាជិកក្រុមប្រឹក្សាខេត្ត ថ្នាក់ដឹកនាំចលនា ទាំងពីរ និង ថ្នាក់ដឹកនាំស្រុក-ក្រុង ទាំង១៤ ដែលមានវត្តមានសរុបចំនួន ៤៧នាក់ ។

អង្គប្រជុំបានពិភាក្សាទៅលើរបៀបវារៈ ចំនួន៤ (១-ស្ថានភាពនយោបាយបច្ចុប្បន្ន ២-ការ ត្រៀមភ្នាក់ងារសំរាប់សង្កេតការធ្វើបច្ចុប្បន្នភាព២០១១ ៣-ផែនការពង្រឹងបក្សឃុំ-សង្កាត់ ៤-ផ្សេងៗ)។

អង្គប្រជុំនេះ បានបញ្ចប់នៅម៉ោង១១:០០ នៃថ្ងៃខែដដែល ប្រកបដោយការទទួលខុសត្រូវ។