ក្រុងបាត់ដំបង ម៉ោងនេះ…!!!

ថ្ងៃមនេះ ម៉ោងនេះ បរិយាកាសក្រុងបាត់ដំបងផ្ទៃមេឃមានសភាពអ៊ូអាប់បន្តិច រីឯទឹកស្ទឹងសង្កែវិញ មានកំលាំងទឹកហូរពីលើមកខ្លាំង ជាងកាលពីថ្ងៃម្សិលមិញ ហើយទឹកមានសភាពល្អក់ជាងឆ្នាំមុនៗ។

ការប្រែប្រួលនៃលក្ខណៈទឹកស្ទឹងសង្កែនេះ ប្រហែលជាបណ្តាលមកពីព្រៃឈើនៅខាងលើស្ទឹងត្រូវបានបំផ្លាញហិនហោចអស់ ដែល ជាហេតុនាំឲ្យបាក់ដី នៅពេលទឹកភ្លៀងហូរចុះពីលើភ្នំទាំងឡាយ។

ករណីខាងលើនេះ បានធ្វើឲ្យយើងមានការព្រួយបារម្ភយ៉ាងខ្លាំង ចំពោះអនា គត់របស់ស្ទឹងធម្មជាតិដ៏ចំណាស់មួយនេះនៃសម្បត្តិធម្មជាតិដ៏ច្រើនដ៏ទៃទៀត របស់ ក្រុងបាត់ដមបង ដ៏សែនមនោរម្យនៃកម្ពុជាយើង។

អ្វីដែលគួរឲ្យមោទនភាពជាងនេះទៅទៀតនោះ គឺក្រុងបាត់ដំបងយើងត្រូវបាន ពិភពលោកទាំងមូលឲ្យឈ្មោះថា ជាទីក្រុងបុរាណដែលអាយុកាលចំណាស់ជាង គេនៅតំបន់អាស៊ីអាគ្នេណិ៍យើងនេះ។

ប៉ុន្តែអ្វីដែលគួរឲ្យយើងទាំងអស់គ្នាមានការសោកស្តាយបំផុតនោះ គឺការដែលពុំ មានការយកចិត្តទុកដាក់ថែរក្សាឲ្យបានត្រឹមត្រូវពីសំណាក់អាជ្ញាធរគ្រប់លំដាប់ ថ្នាក់ នៅក្នុងខេត្ត ក៏ដូចរដ្ឋាភិបាលទាំងមូល។

រឿងដែលគួឲ្យអាម៉ាស់បំផុតនោះ គឺនៅពេលភ្លឿងធ្លាក់ម្តងៗ ផ្លូវទាំងអស់នៅក្នុងក្រុងបាត់ដំបង ទាំងមូលត្រូវស្ទះទាំងអស់ ដែលឡាន ម៉ូតួមិនអាចធ្វើចរាចរបានឡើយ ព្រោះទឹកលិចជ្រៅពេក។

ដូច្នេះ តើអនាគត់ក្រុងដ៏ល្បីមួយនេះនឹងមានវាសនាយ៉ាងណា?៕

មានផែនទីមិនប្រាកដថាទៅដល់គោលដៅនោះទេ…!

វាច្បាស់ណាស់ផែនទីគឺជាឧបករណ៍សម្រាប់បង្ហាញផ្លូវដ៏ត្រឹមត្រូវបំផុត ។ មានន័យថា អ្នកធ្វើដំណើរទាំងឡាយណាដែលមានផែនទីនៅក្នុងដៃ នៅពេលធ្វើដំណើរ នោះការធ្វើដំណើររបស់គេច្បាស់ជាទទួលបានជោគជ័យយ៉ាងពិតប្រាកដ ។

ដោយឡែក មេដឹកនាំដែលមាន​ ចំណេះដឹងខ្ពស់ គឺប្រាកដជា ដឹកនាំ បានល្អ ប៉ុន្តែប្រសិនបើ អ្នកដឹកនាំ មានតែចំណេះដឹង​ តែគាត់មិនមានការអនុវត្តន៍ នោះការដឹកនាំ របស់គាត់ ច្បាស់ ជាទទួលបរាជ័យ ជាក់ជាពុំខាន ឡើយ ។ មានន័យថា មានផែនទី តែមិនព្រមដើរ​ រឺមិនចេះដើរនោះ គេមិនអាចទៅដល់គោលដៅ បានឡើយ ។

យ៉ាងណាមិញ យើងងាកទៅមើលសង្គមខ្មែរយើង នាពេលបច្ចុប្បន្ន គឺអ្នកមានចំណេះ ដឹងខ្ពស់ក៏ច្រើនណាស់ដែរ ។​ ប៉ុន្តែពួកគាត់ទាំងឡាយនោះ មិនអាចក្លាយជាអ្នកដឹកនាំ បានឡើយ ដោយសារតែពួកគាត់ទាំងឡាយនោះ ១-ខ្វះភាពក្លាហាន ២-ខ្វះការលះបង់ និង៣-ខ្វះគំនិតយុទ្ធសាស្រ្ត ។ មានន័យថា ពួកគាត់ទាំងឡាយនោះ មានចំណេះដឹង តែផ្នែកទ្រឹស្តីច្រើនជាងចំណេះដឹង ក្នុងការអនុវត្តន៍ជាក់ស្តែង ៕