មូរ សុខហួរ ក្នុងសកម្មភាពចុះមូលដ្ឋាន !!!

នៅក្នុងនាម ជាប្រធានក្រុមប្រឹក្សា គណបក្ស ខេត្តបាត់ដំបង អ្នកតំណាងរាស្រ្ត មូរ សុខហួរ បាន ខិតខំ បញ្ចេញ សកម្មភាពគ្រប់រូបភាព ដើម្បីពង្រឹងកំលាំងគណបក្ស នៅមូលដ្ឋាន ឲ្យមានសភាព កាន់តែ រឹងម៉ាំឡើង ពីមួយថ្ងៃ ទៅមួយថ្ងៃ ជាប្រចាំ។

ក្នុងរយៈពេលនៃដំណើរការ ពិនិត្យឈ្មោះ និងចុះឈ្មោះបោះឆ្នោត អ្នកតំណាងរាស្រ្ត មូរ សុខហួរ ប្រធានក្រុមប្រឹក្សាគណបក្ស ខេត្តបាត់ដំបង បានចំណាយពេលវេលាជាច្រើន នៅជាប់ជាមួយ កំលាំង គណបក្ស នៅមូលដ្ឋាន។

ទន្ទឹមនឹងនេះ លោកស្រី មូរ សុខហួរ ក្នុងនាមជាអ្នកតំណាងរាស្រ្ត លោកស្រី ក៏បានឆ្លៀត ឳកាស ចុះជួប សួរសុខទុក្ខ ប្រជាពលរដ្ឋផងដែរ។

មូរ សុខហួរ ក៏ពុំមានការ អល់អែក ក្នុងការចូលសាកសួរស្ថានភាព លក់ដូរ របស់អាជីវករ តូចតាច នៅតាម ភូមិ-ឃុំ-សង្កាត់ មួយចំនួន នៅក្នុងទឹកដីខេត្តបាត់ដំបង។

មិនតែប៉ុណ្ណោះ មូរ សុខហួរ ក៏តែងតែចូលរួម ក្នុងការលើកស្លាកសញ្ញា គណបក្ស ជាបន្ត បន្ទាប់ ដោយពុំគិត ពីការនឿយហត់ឡើយ។

ស្រ្តីនៅក្នុងវ័យជាង ៦០ឆ្នាំ រូបនេះ ពុំដែល មានភាពរួញរា ម្តងណាឡើយ នៅក្នុងសកម្មភាព បំរើ ជាតិ មាតុភូមិ ពិសេសសកម្មភាពស្រ្តីដើម្បីស្រ្តី។

សកម្មភាពទាំងអស់នេះ បានឆ្លុះបញ្ចាំងឲ្យយើង ឃើញថា ថ្នាក់ដឹកនាំ គណបក្ស សម រង្ស៊ី សុទ្ធ ជា បុគ្គល ដែលមានសមត្ថាភាព ក្លាហាន និងស្អាតស្អំ។ “មានសកម្មភាព មានការគាំទ្រ ហើយនៅ ពេល មានការគាំទ្រ គឺច្បាស់ជាឈានទៅដល់ចំណុចជោគជ័យ យ៉ាងពិតប្រាកដ” ។

ជាសង្ខេបមកវិញ មានន័យថា គណបក្ស សម រង្ស៊ី គឺសេចក្តីសង្ឃឹម តែមួយគត់ សំរាប់ប្រជាជាតិ ខ្មែរ ក៏ដូចប្រជាពលរដ្ឋកម្ពុជា គ្រប់ៗរូប។

“មានគណបក្ស សម រង្ស៊ី សង្គមខ្មែរ មានសង្ឃឹមជានិច្ច” ៕

យុវជន និងសកម្មភាពនៅក្នុងគណបក្ស សម​ រង្ស៊ី !!

ចលនាយុវជន គណបក្ស សម រង្ស៊ី គឺជា កំលាំង ចលករ ប្រកបដោយ ឧត្តមភាព របស់ គណ បក្ស យ៉ាង ពិតប្រាកដ ក្នុងការចុះជួយ ធ្វើសកម្មភាព គ្របប់រូបភាព ដើម្បីស្វែង រកសំឡេង គាំទ្រ ជូន គណ បក្ស នៅគ្រប់ដំណើរការ នៃបោះឆ្នោត។

ឧត្តមភាព ត្រង់ថា ថ្នាក់ដឹកនាំ​ ក៏ដូចសមាជិក ចលនាយុវជន គណបក្ស សម រង្ស៊ី គ្រប់រូប ទាំងអស់ សុទ្ធ ជាបុគ្គល ដែលប្រកបដោយការតស៊ូ អត់ធ្មត់ ក្លាហាន និងមានការលះបង់ គ្រប់បែប យ៉ាង ដើម្បី ធ្វើយ៉ាងណា ឲ្យគណបក្ស ទទួលបានការគាំទ្រកាន់តែច្រើន ពីមួយថ្ងៃ ទៅមួយថ្ងៃ។

ជាក់ស្តែង ចាប់ពីថ្ងៃ ដំណើរការ នៃការពិនិត្យឈ្មោះ និងចុះឈ្មោះបោះឆ្នោត រហូតមក ដល់ពេលនេះ ថ្នាក់ដឹកនាំ ចលនាយុវជន គណបក្ស សម រង្ស៊ី ខេត្តបាត់ដំបង បានចុះជួយជម្រុញ ការពិនិត្យឈ្មោះ និង ចុះឈ្មោះបោះឆ្នោត ទៅតាមផែនការណ៏ របស់គណបក្ស ខេត្ត ដាក់ជូន។

ប៉ុន្តែ សំរាប់ថ្ងៃនេះ គឺមានថ្នាក់ដឹកនាំ ចលនាយុវជន គណបក្ស ថ្នាក់ជាតិ គឺកញ្ញា ស៊ី អ៊ីម បានចុះ មក ជួយដើរ ជម្រុញតាមផ្ទះ។

តើទាំងនេះ វាមិនមានន័យថា យុវជន សម រង្ស៊ី គឺជាអនាគតនៃការ ដឹកនាំ ទេ​ ឫ? ចំលើយ គឺយុវជន គណបក្ស សម រង្ស៊ី ពិតជា មេដឹកនាំ អនាគត ដ៏រឹងមាំ នៃសង្គមកម្ពុជា យ៉ាង ប្រាកដណាស់។

មេដឹកនាំ អនាគតត្រង់ថា គ្រប់ថ្នាក់ដឹកនាំ និងសមាជិក ចលនាយុវជន គណបក្ស សម រង្ស៊ី ទាំងអស់ សុទ្ធតែ ទទួលបាន ការអប់រំ និងបណ្តុះបណ្តាល ពីសំណាក់គណបក្ស សម រង្ស៊ី ទាំង ចំណេះដឹងទូទៅ ទាំងចំណេះដឹងបច្ចេកវិជ្ជា និងទាំងចំណេះដឹង ភាពជាមេដឹកនាំ។

សរុប សេចក្តីមក មានន័យថា គណបក្ស សម រង្ស៊ី គឺជាជម្រើសតែមួយគត់ របស់យុវជន កម្ពុជា ក្នុង ការស្វែងរកអនាគតដ៏ល្អ និងជាក្តីសង្ឃឹម តែមួយគត់​សំរាប់សង្គមខ្មែរ យើងទាំងមូល។

ដូច្នេះ យើងសូមធ្វើការ អំពាវនាវ ដល់ក្រុមយុវជន កម្ពុជា យើងទាំងអស់ មេត្តាអញ្ជើញ មកចូល រួម ជាមួយសកម្មភាពគណបក្ស សម រង្ស៊ី គឺជាជម្រើសដ៏ល្អបំផុត៕