ឳកាសនេះ ជាឳកាសមាស ឳកាសពេជ្ររបស់លោក ហ៊ុន សែន !

          ទោះខ្ញុំជាសមាជិក គណ បក្ស ជំទាស់ក៏ពិតមែន តែខ្ញុំក៏ជា ខ្មែរដែរ។​ដូច្នេះ ខ្ញុំត្រូវតែសប្បាយ សាទរជាមួយខ្មែរ ទាំងឡាយណា ដែលទទួលបាន នូវភាពល្បី ល្បាញ ដែលកើតចេញពីភាព ឈ្លាសវៃប្រកប ដោយឧត្តមគតិ ជាតិខ្ពស់។​ ម្យ៉ាងវិញ ទៀតខ្ញុំ ក៏មិន ខ្លាច ញញើតនឹងនិយាយរៀបរាប់ ពីការពិតនៃដំណើរជីវិត របស់កូន ខ្មែរគ្រប់គ្នា អំពីភាពជោគជ័យ និង ភាពបរាជ័យ របស់បុគ្គលទាំងនោះ ដោយមិនគិតពីនិន្នាការ គណបក្ស នយោបាយ ណាមួយក៏ទេដែរ។ ហើយ បើនិយាយដោយឡែក ខ្ញុំក៏មិនចូល ចិត្ត ហឹង្សា និយមបន្តិចណាដែរ កុំថាឡើយ សាច់ឈាមខ្លួនឯង ឫជាតិ សាសន៍ ខ្លួន ឯងតែមួយ សូម្បីតែជាតិសាសន៍ដទៃ ក៏ ខ្ញុំមិនត្រូវការ ប្រើហឹង្សាជាដាច់ខាតដែរ ព្រោះយល់ឃើញថា មនុស្សនៅលើ ភពផែនដីយើងនេះត្រូវការ ជីវិត និង ភាពថ្លៃថ្នូរ ដូចៗគ្នា។

            ឥឡូវវេលាពេលនេះ ទាំងខ្ញុំទាំង កុលបុត្រខ្មែរ ដ៏ទៃទៀតមើលឃើញថា ជោគជីតា នៃដំណើរជីវិតនយោបាយ របស់លោក ហ៊ុន សែន បានមកដល់ផ្លូវបែកជាពីរ ៖ ទីមួយ ជាផ្លូវទៅដល់ ងារ វីរៈ ជនខ្មែរ និងទីពីរ ជាផ្លូវ ទៅដល់ទីដែលនាំឲ្យមានវិបដិសារី តំណពូជ ។ សំនួរសួរថា តើលោក ហ៊ុន សែន ខ្លួនឯងជ្រើសយកផ្លូវមួយណា? ហើយចុះតើផ្លូវទាំង ពីរនោះ មាន សភាពយ៉ាងណាទៅ ហើយត្រូវដើររបៀបណា?

            ផ្លូវទីមួយ ៖ ផ្លូវនេះមានន័យថា “ផ្លោះផុតរណ្តៅជួបផ្លូវរៀបស្មើ” គឺលោក ហ៊ុន សែន ខ្លួនឯងត្រូវ សម្រេចចិត្តចុះចេញ ពីបេក្ខភាពជានាយករដ្ឋមន្រ្តី ដោយ ប្រគល់ ឲ្យ គណបក្សលោក ឫខ្លួនលោក ហ៊ុន សែន ផ្ទាល់ ជ្រើសរើសអ្នកផ្សេងក្រៅពីខ្លួន ការ ធ្វើបែបនេះនាំឲ្យជីវិតនយោបាយទៅមុខរបស់លោក មានជម្រើសបី, ទីមួយ លោក ហ៊ុន សែន នឹងក្លាយជាប្រធានបក្ស ប្រជាជន ដោយកិត្តិយសជាមួយនិងឪកាសក្នុង ការ ពង្រឹង ផ្ទៃក្នុងបានយ៉ាងរឹងមាំ (ដាក់កម្លាំងវ័យក្មេងក្នុងជួរថ្នាក់ដឹកនាំបក្ស), ទីពីរ ការបោះ ឆ្នោតជាបន្តបន្ទាប់ ទៀតគណ បក្សនឹងមានការគាំទ្រធ្វេរ ដង, ទីបី នៅអាណត្តិ នាយក រដ្ឋមន្រ្តីក្រោយៗ លោក ហ៊ុន សែន ខ្លួនឯង ឫក៏ចង់ឲ្យ ចង់កូន(តាមតែចិត្តលោក ហ៊ុន សែន ចង់បានយ៉ាងណា) នឹងបាន វិលទៅកាន់កៅអី នាយក រដ្ឋមន្រ្តីវិញ ដោយស្វ័យ ប្រវត្តិប្រកបដោយភាពអស្ចារ្យ ព្រោះគាត់បានឈ្មោះជាវីរៈជន ទៅហើយ។ នេះជាល្បិច “ថយមួយជំហ៊ានដើម្បីយកអេឡង់ផ្លោះ” សូមបញ្ជាក់ថាល្បិចមួយនេះ លោក ប៉ូទីន ប្រធានធិតី រ៉ូស្ស៊ី ធ្វើបានជោគជ័យរួចហើយ។ ព្រោះថាបើលោក ហ៊ុន សែន អាចធ្វើ ដូននេះបាន មានន័យថា លោក ហ៊ុន សែន ក្រសោបបានទាំង ចិត្តប្រជាពលរដ្ឋ គ្រប់ ស្រទាប់វណ្ណៈ និងក្រសោបបានទាំងទឹកចិត្តផ្ទៃក្នុងគណ បក្ស ប្រជាជន របស់លោក ផ្ទាល់តែម្តង។

            ផ្លូវទីពីរ ៖ ផ្លូវនេះ ជាផ្លូវ ផុតគ្រោះមួយ ចូលគ្រោះមួយទៀត រហូតដល់ ផុត សង្ខាក៏ថាបាន ឫអាចនិយាយ ម្យ៉ាងទៀតថា “ផុតរណ្តៅចូលបន្លា ហើយផុត បន្លា ចូលបន្ទាយមានកូនទាហានរងចាំប្រហារ”។ ត្រង់នេះ បើតាម សភាពនយោបាយ ស្រុកខ្មែរបច្ចុប្បន្ន គឺគណបក្សប្រជាជន កំពុងតែស្ថិតនៅចំមាត់ រណ្តៅ នៃបញ្ហា យ៉ាង ពិតប្រាកដ ព្រោះយើងឃើញថា ទឹកចិត្តប្រជាពលរដ្ឋម្ចាស់ឆ្នោត ដែលមានទាំងអ្នកខ្លះ ពីមុខជាអ្នកគាំទ្រគណបក្សប្រជាជន តែ ឥឡូវបែជាមកគាំទ្រគណបក្សប្រឆាំង បូក ជាមួយកម្លាំងយុវជនដ៏អង់អាចក្លាហាន កំពុងតែបញ្ចេញសម្រែក ពុះ កញ្រ្ចោលទាមទារ ឲ្យមានការផ្លាស់ប្តូរជាដាច់ខាត ដោយតម្រូវមេគណបក្ស ប្រឆាំងដឹកនាំមហាបាតុកម្ម ប្រឆាំង ទៅ និងលទ្ធផលឆ្នោតដែលត្រូវបាន ប្រកាសជាបឋមដោយគណៈ កម្មាធិការ ជាតិរៀបចំការបោះឆ្នោតមួយដែលអ្នក បោះ ឆ្នោតពុំមានទំនុកចិត្ត។ មកដល់នេះ មាន សំនួរចោទសួរថា តើក្រុមបក្សប្រឆាំងអាចនៅស្ងៀមធ្វើមិនដឹងមិនឭនៃ ការទាមទារឲ្យ មានមហាបាតុកម្មនេះបានទេ? សំនួរនេះ ខ្មែរទាំងអស់ រាប់ទាំងលោក ហ៊ុន សែន ផង បាន ដឹងចម្លើយ យ៉ាងច្បាស់ថា មុន និងក្រោយមេបក្សប្រឆាំង ប្រាកដជាធ្វើ មហា បាតុកម្ម។ ចុះបើមានមហាបាតុកម្មកើត មានឡើង មែននោះ តើមានអ្វីនឹងកើត មាន ឡើងនៅក្នុងព្រឹត្តិហេតុនោះ?។

            ជាការពិតណាស់បើយើងពិនិត្យមើលស្ថានភាព នៃការកំពុង ចល័តទ័ព ពីតាម បណ្តាខេត្ត ទៅកាន់រាជធានី ភ្នំពេញ បច្ចុប្បន្ននេះ យើងអាចសន្និដ្ឋានបានថា បើកាល ណាមានមហាបាតុកម្មកើតឡើង វាច្បាស់ជាមានមហា បង្រ្កាបកើតឡើងដែរ ប៉ុន្តែសួរ ថាតើមានការឆេះនូវកំដៅកំហឹងកំរិតណានៅពេលកើតមានការបង្រ្កាបនោះ?។ ខ្ញុំ មើល ឃើញថា កុំថាឡើយបាតុករ សូម្បីតែកម្លាំងបង្រ្កាប និងអ្នកនៅចាំ មើលច្បាស់ ជាមាន ការឆេះ នូវកំហឹង​ ហើយ​មករួបរួមកម្លាំងគ្នា បែរមុខទៅកាន់ អ្នកមានអំណាច វិញក៏អាច ថាបាន។ ពេលនោះ ករណីរបស់លោក ស៊ូ ហារតូ អតីតមេដឹកនាំប្រទេសឥណ្ឌូនេស៊ី នឹងកើតមានចំពោះលោក ហ៊ុន សែន ជាក់ជាមិនខាន។

            និយាយម្យ៉ាងទៀតបើយើងពិនិត្យទៅនឹងលទ្ធផលឆ្នោតបឋមយើងដឹងប្រាកដទាំងអស់គ្នាថា គណបក្ស ឈ្នះ មិនអាចធ្វើអ្វីបានតាមទំនើងចិត្តដូចមុននោះទេ គឺវាតោងតែត្រូវ មានការ ឯកភាព ពីគណបក្សនៅ ក្រៅ រដ្ឋាភិបាលមុនជាចាំ បាច់ ដូច្នេះរឿងអីដែលថាមិនមានការ រង្គោះរង្គើផ្ទៃក្នុងរដ្ឋាភិបាល (បក្សប្រជាជន) កើតមានឡើងនោះ។​ បើដូច្នេះ មែន រដ្ឋាភិ បាលដែលត្រូវបង្កើតឡើងខាងមុខច្បាស់ជារលាយខ្ទេចខ្ទាំមុនអាណត្តិ។

            តែបើនិយាយដោយឡែកថា លោក ហ៊ុន សែន មានការជួយជ្រុំជ្រែង ពីក្រុម អ្នក នយោបាយយួន និងចិន ធ្វើ ឲ្យរដ្ឋាភិបាលលោក ហ៊ុន សែន ឈរជើង រហូត ការបោះ ឆ្នោតអាណ្តិទី៦ ឆ្នាំ២០១៨ ប៉ុន្តែក្រុមអ្នកនយោបាយយួន និងចិន មិនអាចជួយ បន្តជីវិត នយោបាយលោក ហ៊ុន សែន និងក្រុមលោក ហ៊ុន សែន បានតទៅ មុខទៀត ជាដាច់ ខាត។

            ដូច្នេះពេលនេះ ជម្រើសដ៏ល្អបំផុតរបស់លោក ហ៊ុន សែន គឺត្រូវដើរតាមផ្លូវលោក ប្លា ដានាប៉ូទីន ទើបទទួលបានងារថា “បុរសខ្លាំងនៅកម្ពុជា យ៉ាងពិតប្រាកដ”៕

តើពាក្យថា ៖ សង្គ្រោះមានន័យដូចម្តេច???

១-សង្គ្រោះមាន ន័យ ថា  (ជួយ) ៖ ជួយ ទំនុកបំរុង, ជួយ ផ្ចុង ផ្តើម, ជួយចិញ្ចឹម, ជួយការពារ, ជួយ លើកតម្កើង, ជួយ ស្រោចស្រង់, ជួយ ជីវិត, ជួយជាគំនិត, ជួយជាសម្ភារៈ, ជួយ ជាលុយកាក់ ទ្រព្យសម្បត្តិ។ ដូចជា ៖ សង្គ្រោះរុក្ខជាតិ, សង្គ្រោះសត្វ, សង្គ្រោះមនុស្ស………..។

២-សង្គ្រោះមានន័យថា (ពឹងពាក់) ៖ ជួយយកអាសារគ្នាទៅវិញទៅមក ទើប រស់សុខស្រួល។ រុក្ខជាតិ ត្រូវការពឹងពាក់ ឫជំនួយគាំទ្រពីដី ទឹក ពន្លឺ ខ្យល់ ថែទាំ ដាក់ជី ស្រោចទឹក ទើបរស់ស្រស់បំព្រង មានផ្លែល្អទៅ បាន។ សត្វត្រូវកា រពឹងពាក់ ឫជំនួយពីមេបាល្អ ជួយចិញ្ចឹម ថែរក្សា ការពារ ផ្តល់អាហារ ផ្តល់ ជម្រក ផ្តល់ភាពកក់ ក្តៅ។ ឯមនុស្ស ក៏ត្រូវការពឹងពាក់មេបាល្អ ដើម្បីរស់ សុខស្រួលទាំងអស់គ្នា។

៣-សង្គ្រោះមានន័យថា (អំពើល្អនៃធម្មជាតិពូជ ឫតំណពូជល្អ) ៖ ដូជា អំពើល្អរបស់រុក្ខជាតិ ខិតខំបញ្ចេញ ផ្កាផ្លែ ឲ្យសត្វ និងមនុស្ស បានហូប ចុកគ្រប់គ្រាន់ ដោយសប្បាយរីករាយ គឺគ្មានចង់បានផល តបស្នងពីសត្វ លោកម្តងណាក៏ទេដែរ។ អំពើល្អរបស់សត្វតិរច្ឆាន ខិនខំចិញ្ចឹមកូនចៅ ឲ្យរស់ រានមានជីវិតសុខស្រួល។ អំពើល្អ របស់មនុស្ស ខិតខំជួយកូន, ជួយបុគ្គល, ជួយគ្រួសារ, ជួយសង្គម ដោយមិនគិតផលប្រយោជន៏ខ្លួនជាធំ។

៤-សង្គ្រោះមានន័យថា (ចរិកព្រះ) ៖ ចេញពីចិត្តបរិសុទ្ធ, ចិត្តបុណ្យ, ចិត្តល្អ, ចិត្តសប្បុរស, ចិត្តព្រះ កុសល, ចិត្តទូលំទូលាយ។ ព្រះអាទិត្យ ព្រះច័ន្ទ ខិតខំ ផ្តល់ពន្លឺ ឲ្យសត្វលោកដោយមេត្តា មិនរើសមុខ។ រុក្ខជាតិ ផ្តល់ប្រយោជន៏ ជាផ្កាផ្លែ ដល់សព្វសត្វដោយអំណរ គ្មានចង់បានការតបស្នងអ្វីទេ។ សត្វគោ ខិតខំធ្វើការមួយជីវិត ឲ្យទាំងម្លាំង ឲ្យទាំងទឹកដោះ ឲ្យទាំងសាច់ឈាម ចិញ្ចឹម មនុស្សគ្មានបានប្រាក់ខែក៏ទេដែរ។ ព្រះពុទ្ធខិតខំបម្រើ សង្គមលោក (សត្វ លោក) គ្មានប្រាក់ខែ គ្មានគិតពីផលប្រយោជន៏ផ្ទាល់ខ្លួន។

សរុបសេចក្តីមក តាមវចនានុក្រមសម្តេចសង្ឃរាជត្រង់ទំព័រ១២៤០ ពន្យល់ថា ៖ សង្គ្រោះជាការទំនុក បម្រុង, ការជួយឲ្យបានសុខស្រ។ ត្រង់នេះយើងមើលឃើញថា ពលរដ្ឋកម្ពុជាយើងនៅមិនបានទទួលនូវបាននូវ ភាពសុខស្រួល ឫ ទទួលបាននូវការជួយទំនុកបម្រុងពីរដ្ឋក៏ទេដែរ។

ដូច្នេះ ពលរដ្ឋកម្ពុជាទាំងអស់ ក៏ដូចប្រទេសជាតិកម្ពុជាទាំងមូល ពិតជាត្រូវការ រដ្ឋាភិបាលថ្មីមួយដែល កើតចេញពីឆន្ទៈរាស្រ្តពិតប្រាកដ ដើម្បីជួយ សង្គ្រោះជាបន្ទាន់៕ (សូមរងចាំអានពាក្យថាជាតិ)

តើគណបក្ស មានន័យយ៉ាងដូចម្តេច ???

គណបក្ស​ = គណៈ + បក្ស ។ តាម អត្ថន័យវចនានុក្រម គណៈ មាន ន័យថា ពួក ក្រុម បន​ ហ្វូង។ គណៈ រដ្ឋមន្រ្តី (ការងារក្រុមរដ្ឋមន្ត្រី) គណៈសង្ឃ (ការងារក្រុមសង្ឃ) គណៈប្រតិភូ (តំណាងជន មួយ ក្រុម) ។​

បក្ស មានន័យថា ផ្នែក ចំណែក ក្រុម គ្នីគ្នា ចំនួនច្រើន (បក្ស=គណៈ)​។ គណបក្ស​ មានន័យថា ស្ថាប័ន ផ្លូវ ការមួយ​ដែលមាន មនុស្សចូលរួម គាំទ្រច្រើន និងកើតឡើង តាមផ្លូវ ច្បាប់ជាតិ អន្តរជាតិ ក្នុងគោល បំណង ស្រោចស្រង់ជាតិ ការពារ ផលប្រយោជន៏ជាតិ អភិវឌ្ឍន៏ជាតិ ស្តារចនាសម្ព័ន្ធជាតិ គ្រប់គ្រងជាតិ ដឹកនាំជាតិ ឲ្យប្រកបដោយប្រសិទ្ធិ ភាព ខ្ពស់ គឺកម្លាំងអ្នកស្នេហាជាតិ ដ៏បរិសុទ្ធ ឧត្តមគតិស្អាតស្អំ វិចារណញាណខ្ពស់ ដើម្បី ត្រៀម​ ធ្វើជាក្បាល ម៉ាស៊ីនរដ្ឋ។ មានន័យថា កាលណាក្បាលឆ្គូត ដៃ ជើង ខ្លួនប្រាណ….. ទោះខិតខំធ្វើល្អ យ៉ាងណា ក៏នៅតែឆ្គួត ឫរស់ត្រឹមឋានៈ មនុស្សឆ្គួតជានិច្ច តែបើក្បាលល្អស្អាត ចិត្តស្អាត មនុស្សល្អ គេក៏មើល ឃើញ ថា ដៃជើងខ្លួន ប្រាណរបស់រដ្ឋ ក៏កាន់តែសស្អាតរុងរឿងទ្វេដង។

បើដូច្នេះ មានន័យថា ក្បាលម៉ាស៊ីននៃការដឹកនាំគណបក្សនីមួយៗ ពិត ជាត្រូវការក្រុមមនុស្សដែល មានសក្តានុពលបំផុតហើយ !!!៕ (សូម រងចាំអានពាក្យសង្គ្រោះ)

ក្រោយពីដោះស្បែកជើងវ៉ៃក្បាលអូបាម៉ា រួចស្រក់ទឹកភ្នែកខ្លួនឯង !!

            ភាសាការទូត ជាភាសាមួយ ដែលមន្រ្តី ជាន់ខ្ពស់ នៃរដ្ឋ នីមួយៗ និយម យកទៅ ប្រើជាដរាប ទោះជា ពួកគេ មានកំហឹង យ៉ាងណាក្តី ក៏គេ នៅតែរក្សា ភាពថ្លៃថ្នូរជានិច្ច តែបើគេប្រើ ភាសាសក ទៅគូភាគី សន្ទនា របស់គេ ណាម្នាក់ហើយ គឺន័យស្មើនឹងពាក្យ ក្រុមអ្នកលេង និយម យកមក ប្រើថា “ដោះ ស្បែកជើង វ៉ៃក្បាល” ។

            យ៉ាងណាមិញ កាលពីល្ងាច ថ្ងៃទី ១៩ ខែវិច្ឆិកា ឆ្នាំ២០១២ នៅ វិមានសន្តិភាព ក្នុង រាជធានីភ្នំពេញ លោក ហ៊ុន សែន ជា នាយករដ្ឋមន្រ្តី កម្ពុជា និង លោក បារ៉ាក់ អូបាម៉ា ជា ប្រធានាធិបតី សហរដ្ឋអាមេរិក បាន ជួបសន្ទនាគ្នា ដែលក្នុង ខណៈនោះ លោក អូបាម៉ា បាន លើកនូវ ចំណុច អវិជ្ជមាន យ៉ាង ពុះកញ្ជ្រោល របស់ប្រទេស កម្ពុជា ក្រោមការ ដឹកនាំ របស់លោក ហ៊ុន សែន ដូចជា ៖ ការសុំឲ្យមាន ការរព សិទ្ធិមនុស្ស (បញ្ហា បណ្តេញ ប្រជាពលរដ្ឋ ចេញពីលំនៅដ្ឋាន), ការសុំឲ្យមានការ ដោះលែង អ្នកទោស នយោបាយ (លោក សម រង្ស៊ី និងលោក ម៉ម សូណង់ដូ) ជាដើម, និងសុំឲ្យ មានការ កែទម្រង់ នៃប្រព័ន្ធបោះឆ្នោត ឲ្យបានត្រឹមត្រូវ ស្របទៅតាមស្តង់ដារ ប្រជាធិបតេយ្យ ។ល។ និង។ល។

            ការលើកឡើង របស់លោក អូបាម៉ា ទាំងប៉ុន្មាន ចំណុចខាងលើនេះ ត្រូវបានលោក ហ៊ុន សែន សកឲ្យវិញ ភ្លាមៗ ថា “ស្រុកខ្មែរ មិនមានទេ អ្នកទោសនយោបាយ គឺមានតែ អ្នកនយោបាយ ធ្វើខុស ជាប់ទោស” ភាសាមួយម៉ាត់នេះ ស្មើនឹងន័យ “ដោះស្បែកជើង វ៉ៃក្បាល គូសន្ទនា” តែម្តង ។

            ប៉ុន្តែនៅល្ងាច ថ្ងៃទី២០ ខែវិច្ឆិកា ឆ្នាំ២០១២ ក្រោយកិច្ចប្រជុំ លើកទី២១ នៃសហគមន៏ អាស៊ាន ត្រូវបានបញ្ចប់ លោក ហ៊ុន សែន ក្នុងនាមប្រធានវេន សហគមន៏ អាស៊ាន បានធ្វើសន្និសីទ កាសែត ដែលមានទ្រុងទ្រាយ ដូចជា ការធ្វើសេចក្តី ថ្លែងការណ៏ ហើយត្រូវបាន បញ្ចប់ ដោយមិនទុកឲ្យ អ្នកការសែត ណាម្នាក់ចោទសួរឡើយ ជាមួយ នឹងការ “សម្រក់ ទឹកភ្នែក” ក្រោមលេសថា “ហត់ ឈឺក្បាល និង​មាន​អារម្មណ៏ នឹកអង្គ សម្តេចឳ” ។

សរុបសេចក្តីមក មានន័យថា  “កូនក្មេង វ៉ៃគេ មិនដួល ដួលខ្លួនឯង និងសម្រក់ ទឹកភ្នែកខ្លួនឯង” ។ ប៉ុន្តែ ទោះជា យ៉ាងណា វាក៏ជាសញ្ញា ដ៏ល្អមួយដែរ ដើម្បីបង្ហាញ ឲ្យលោក អូបាម៉ា បានស្គាល់ ចរិកផ្តាច់ការ របស់បុគ្គល លោក ហ៊ុន សែន ព្រោះពីមុន លោក អូបាម៉ា ធ្លាប់យល់ថា បក្សប្រឆាំង ចេះតែថា តែពេលនេះ លោកបានឃើញ នឹងភ្នែក ស្តាប់ត្រចៀក ខ្លួនលោកផ្ទាល់ ។ ដូច្នេះ យើង មានជំនឿថា លោក អូបាម៉ា សុំឲ្យ សភា សហរដ្ឋ អាមេរិក ចេញសេចក្តីសម្រេច អ្វីមួយ ដើម្បីមាន វិធានការណ៍ មកលើ លោក ហ៊ុន សែន ជាក់ជាមិនខាន ។ ព្រោះលោក អូបាម៉ា គាត់ មានប្រវត្តិ ជាជនខ្លាំង ក្នុងការកំទេច មេដឹកនាំ ផ្តាច់ការ លើពិភពលោក ដូចជា ៖ កាដាហ្វី និង ប៊ីនឡាដិន ជាដើម ។ បើដូច្នេះ តើលោក ហ៊ុន សែន អាចជាគោលដៅទី១ នៃអាណត្តិ ទី២ របស់ លោក អូបាម៉ា ឫ យ៉ាងណា ? ពេលនេះ សូមរង់ចាំ តាមដាន មើលទាំង អស់ គ្នា ៕

យុទ្ធសាស្រ្តគណបក្ស ប្រជាជន ៖ កម្ទេចមុន រំដោះក្រោយ

          កាលណា យើងនិយាយពី យុទ្ធសាស្រ្ត យើងតោងតែ ដឹងអំពី យន្តការ ដែលបានផ្តើម ចេញមក ពីគោលបំណង ប្រកបដោយ មហិច្ឆិតា របស់បុគ្គល ឫ/និងរបស់ ក្រុមណាមួយ ជាមុនសិន ។ មាន ន័យថា បើគេមានបំណង រក្សា អំណាចផ្តាច់ការ ឫអំណាចបុគ្គល និយម គេត្រូវ រៀបចំ យុទ្ធសាស្រ្ត ប្រជាភិថុត បន្លំភ្នែកប្រជាពលរដ្ឋ ដើម្បីធ្វើយ៉ាងណា ឲ្យពលរដ្ឋមើល ឃើញស យល់ថា ខ្មៅ, ឃើញខ្លៅ យល់ថា ប្រាជ្ញ, ឃើញបីសាច យល់ថា ទេវតា ។

          សង្គមខ្មែរ បច្ចុប្បន្ន បាន នឹង កំពុងជួបប្រទះនូវករណី ដូចរៀប រាប់ខាងលើនេះ ដូចជា យួន ជា អ្នកជួយ ជ្រោមជ្រែង​ ឲ្យពួកខ្មែរ ក្រហម ឡើងកាន់អំណាច ដើម្បី កាប់សម្លាប់ ប្រជាពលរដ្ឋ ខ្មែរ តែ ក្រោយមក នៅឆ្នាំ១៩៧៩ យួន បានជួយ ជ្រោមជ្រែង ពួក ខ្មែរក្រហម មួយក្រុម ផ្សេងទៀត ដណ្តើម អំណាច ពីក្រុមប៉ុលពត ក្រោម លេសជួយរំដោះ ពលរដ្ឋ ខែ្មរ ចេញពី របបកាប់សម្លាប់ របស់ ប៉ុលពត ។ ពេលនេះហើយ ជាឱកាស របស់យួន ក្នុងការរៀចំ រដ្ឋាភិបាល អាយ៉ងមួយ ដើម្បី សម្រេច នូវ ផែនការ យុទ្ធសាស្រ្ត ចំនួន ៣របស់ គេ (យួន) ទី១-រំកិលព្រំប្រទល់ ដែនចូល ដីខ្មែរ ទី២-បង្ហូរប្រជាជន គេ (យួន) ចូល ស្រុកខ្មែរ និងទី៣-បិទខ្ទប់កម្លាំង ចលនា តស៊ូខ្មែរ កម្ពុជាក្រោម ។ នេះ ជានយោបាយ “កម្ទេច មុន សង្គ្រោះក្រោយ” គ្រាន់តែ គេ(យួន) ស្ពឹន ភ្នែកយើង តាមរូបភាព “ខ្ចីដៃខ្មែរសម្លាប់ខ្មែរ” ហើយប្រើរូបភាព ”ខ្មែររំដោះខ្មែរ” ។ តែតាមពិតទៅ អ្នកផ្តើម គំនិតសម្លាប់ក៏យួន រីឯអ្នកចេញមុខ រំដោះ ក៏ជាយួន ។

          ដោយអ្នកហាត់រៀន និងអនុវត្ត មេរៀន ៧មករា ឆ្នាំ១៩៧៩ (សម្លាប់ក៏យួន រំដោះ ក៏យួន) នេះជា ថ្នាក់ដឹកនាំ គណបក្ស ប្រជាជន ទើប ធ្វើឲ្យ ពួកមន្រ្តីគណបក្ស ប្រជាជន ទាំង អស់យល់ជ្រាប យ៉ាងច្បាស់ អំពី យុទ្ធសាស្រ្ត “កម្ទេចមុន រំដោះក្រោយ” មួយនេះ ។

          ជាក់ស្តែង ដើម្បីរក្សាការពារ អំណាចពួកគេ គឺគេមិនខ្លាចទេ ក្នុងការវ៉ៃ កម្ទេច ផ្ទះសំបែង ប្រជាពលរដ្ឋ ក្នុងមហិច្ឆិតា ប្លន់យក ដីលំនៅដ្ឋាន ដីភូមិ និងដីស្រែចំការ យ៉ាង សាហាវ ឃោរឃៅ បំផុត ប្រៀបទៅនឹង សត្វ តិរច្ឆាន ឫជាជាតិសាសន៏ ផ្សេងគ្នា ។ សកម្មភាព ទាំងអស់នេះ យើងតែងតែឃើញ កើតមាន នៅក្នុង សង្គមកម្ពុជា បច្ចុប្បន្ន គ្រប់រាជធានី ខេត្ត រហូតក្លាយជា រឿងធម្មតា ទៅហើយ នៃអំណាចគ្រប់គ្រង របស់ គណបក្ស ប្រជាជន ។

          ប៉ុន្តែនៅក្រោយពេលគេកម្ទេច បំផ្លាញ បណ្តេញ ឲ្យចេញ ពីទីកន្លែង ដែលគេចង់បានៗ អស់ហើយ ទន្ទឹម និងការទុក ឲ្យពលរដ្ឋទាំងនោះរស់ នៅយ៉ាងវេទនា ក្រលំបាក រហូត ដល់ភ្លេច ការឈឺចាប់ នៃការបណ្តេញចេញ ទើបគេ (គណបក្ស ប្រជាជន) រៀបចំ បង្កើត ក្រុមថ្មីមួយផ្សេង ទៀត ដែលមិនធ្លាប់ចេញមុខ បង្គ្រាប ប្រជាពលរដ្ឋ ដូចជាក្រុមយុវជន ស្ម័គ្រចិត្តជាដើម ឲ្យចេញមុខ ធ្វើសកម្មភាពប្រជាភិថុត ជួយប្រជាពលរដ្ឋ ដើម្បីទប់កុំឲ្យ បាត់សម្លេងគាំទ្រ ព្រោះជាឆ្នាំ បោះឆ្នោត ជ្រើសតាំង នាយករដ្ឋមន្រ្តីថ្មី (ជ្រើសតាំងតំណាងរាស្រ្ត)។ មានន័យថា “គេឲ្យចំណីស៊ី នៅពេលគេ ចង់ស៊ីសាច់រាស្រ្តបន្ត”។

បញ្ហាទាំងអស់ខាងលើ ដែលកំពុងកើតមាន នៅក្នុងសង្គមកម្ពុជា សព្វថ្ងៃ វាប្រាកដជា យុទ្ធសាស្រ្ត “កម្ទេចមុន រំដោះក្រោយ” យ៉ាងពិតប្រាកដ ៕

ព្រះវិញ្ញាណក្ខន្ធព្រះករុណា នៅដិតជាប់ជាមួយគណបក្ស សង្គ្រោះជាតិ

          តាមពិតទៅ ជំនឿអរូបីយ៍ វាជារឿង កត់ចំណាំ របស់ចាស់បុរាណ តំណាលតៗគ្នា រៀងដរាបមក ដែលពួកអ្នកវិទ្យាសាស្រ្ត ពុំសូវជា មានជំនឿនោះទេ ប៉ុន្តែរឿង ”អព្ភូតហេតុ” គឺជារឿង ដែលមិន អាចមាន ក្រុមណាមួយ និយាយថា “មិនជឿ” បាននោះឡើយ ព្រោះរឿង អព្ភូតហេតុនេះ វាកើតចេញ មកពី “មនោយិត” របស់មនុស្ស កាលពីនៅរស់ ឬ/និងកំពុងនៅមានជីវិត ។

          ជាក់ស្តែង ព្រះករុណា ព្រះមហាវីរក្សត្រ នរោត្តម ស៊ីហនុ ព្រះអម្ចាស់ នៃយើង កាលពីព្រះអង្គ នៅមានព្រះជន្ម ព្រះអង្គ តែងតែគិត និងព្រួយព្រះទ័យ ចំពោះវាសនា អនាគត របស់ប្រជាជាតិខ្មែរ ទាំងមូល ពិសេស បញ្ហាយួនរំកិលព្រំប្រទល់ដែនចូលដីខ្មែរ, បញ្ហាយួនបង្ហូរពលរដ្ឋគេ ចូលស្រុកខ្មែរ, បញ្ហាយួនឲ្យរដ្ឋាភិបាលខ្មែរបំបែកទីតាំងនយោបាយរបស់ខ្មែរកម្ពុជាក្រោម, និង បញ្ហាភាពក្រីក្ររបស់ប្រជាពលរដ្ឋ ។ល។ និង។ល។

     ករណីដ៏ស្មុគស្មាញ ខាងលើនេះ នាំឲ្យព្រះករុណា មាន ”មនោយិត” គិតដល់បុគ្គល អ្នកដឹកនាំ នយោបាយ ក្រុមណាមួយ ដែលព្រះអង្គ ទតឃើញថា “ជាវីរកុលបុត្រខ្មែរ” អាចនឹងបន្ត កិច្ចការសង្គ្រោះជាតិ ជំនួសព្រះអង្គបាន ។

          តាមសកម្មភាព ជាលក្ខណៈគ្រួសារ រវាងលោកប្រធាន សម រង្ស៊ី ជាមួយព្រះករុណា, តាម ការសង្កេតនៅពេលព្រះករុណា បានស្នើឲ្យ លោកប្រធាន សម រង្ស៊ី ចូលជំនួសតំណែង ក្នុងSNC សម័យUNTAC, តាមសេចក្តីក្រោធខឹង របស់ព្រះអង្គ ជាមួយលោក វ៉ា គឹមហុង យកផែនទី ប្រទេសកម្ពុជា បន្លំព្រះអង្គ, និងតាមខ្លឹមសារ នៃព្រះរាជសារមួយច្បាប់ របស់ព្រះអង្គផ្ញើជូន លោកប្រធាន សម រង្ស៊ី កាលពីឆ្នាំ២០០៥ បានសរឲ្យ ឃើញថា ព្រះករុណា មានទំនុកទុកចិត្ត មួយរយភាគរយ ទៅលើ លោកប្រធាន សម រង្ស៊ី ក្នុងការដោះស្រាយ បញ្ហាដ៏ស្មុគស្មាញ នៃប្រទេសកម្ពុជា បច្ចុប្បន្ននេះ ។

          បញ្ហាទាំងអស់ ខាងលើនេះហើយ ដែលព្រះករុណា មាន “មនោយិត” ជាមួយលោក ប្រធាន សម រង្ស៊ី រហូតដល់ ព្រះអង្គចូលទីវង្គត ក៏ដួងព្រះវិញ្ញាណក្ខន្ធ បានបង្ហាញ “ព្រះភក្ត្រ” នៅក្នុងព្រះច័ន្ទ នៅថ្ងៃខួប៧ថ្ងៃ នៃការតម្កល់ព្រះបរមសព របស់ព្រះអង្គ ព្រោះព្រះវិញ្ញាណក្ខន្ធ របស់ព្រះអង្គ ឈ្វេងយល់ថា ព្រះច័ន្ទ និងព្រះអាទិត្យ មានចរិក បំភ្លឺលោកដូចគ្នា ។ ហើយម្យ៉ាងវិញទៀត បើព្រះអង្គ បង្ហាញព្រះភក្ត្រ ក្នុងព្រះអាទិត្យ ច្បាស់ជាពលរដ្ឋ របស់ព្រះអង្គ ពិបាកនឹងមើលឃើញ ព្រះភក្ត្រព្រះអង្គ បានឡើយ ។

          សរុបសេចក្តីមក ការដែលព្រះភក្ត្រព្រះអង្គ ស្ថិតនៅ ក្នុងដួងព្រះច័ន្ទ កន្លងមកនេះ មានន័យថា ៖ ព្រះអង្គ ចេញព្រះភក្ត្រ អំពាវនាវ ឲ្យពលរដ្ឋខ្មែរ អ្នកស្នេហាជាតិទាំងអស់ មកចូលរួមកម្លាំង ជាមួយ គណបក្ស សង្គ្រោះជាតិ ដើម្បីលើកស្ទួយ លោកប្រធាន សម រង្ស៊ី ឲ្យទៅកាន់ តំណែង នាយករដ្ឋមន្រ្តី ។ ក្នុងន័យ ឲ្យលោកប្រធាន សម រង្ស៊ី ដោះស្រាយបញ្ចប់ នូវបញ្ហា ដ៏ស្មុគស្មាញ ទាំងឡាយ នៅកម្ពុជាបច្ចុប្បន្ន ។ ដូច្នេះ សូមជនរួមជាតិ ដែលធ្លាប់ តែដង្ហែ ព្រះករុណា សូមអញ្ជើញ មករួបរួម ជាមួយ គណបក្ស សង្រ្គោះជាតិ ដោយមិនត្រូវ រង់ចាំមើលទៀតឡើយ ៕

មនុស្សគ្រប់គ្រងមនុស្ស ដូច្នេះត្រូវតែរៀនយល់អំពីមនុស្ស !!!

          ជាការពិតណាស់ សង្គម មនុស្ស នៅលើ សកល លោក យើងនេះ មិនអាចគ្រប់ មនុស្ស ណាមួយ ដោយគ្មាន អ្នកដឹកនាំ និងអ្នកគ្រប់គ្រង បានឡើយ គឺចាំ បាច់ត្រូវតែមាន ។ អញ្ចឹងហើយ បានជាយើងឃើញ កាលពីសម័យ បុព្វកាល និងសម័យបច្ចុប្បន្ន នៃ ប្រទេសផ្តាច់ការ មួយចំនួន ឃើញ មានក្រុមមនុស្ស មួយក្រុមតូច បានរៀបចំ ដឹកនាំ គ្រប់គ្រង មនុស្ស ភាគច្រើន មួយនគរ ដោយប្រើមធ្យោបាយឃោរឃៅ យុងឃ្នង ធ្វើបាប មកលើ ប្រជារាស្រ្ត ស្លូតត្រង់ យ៉ាងរង្គាល បំផុត ក៏ព្រោះពួកអ្នកដឹកនាំ និងអ្នកគ្រប់គ្រង ទាំងនោះ គេបានធ្វើការ សិក្សា ស្វែងយល់ អំពី កម្រិតចិត្តសាស្រ្ត មនុស្សទូទៅ ច្បាស់លាស់ យ៉ាងល្អិតល្អន់ បំផុត ។

          តែដោយក្រោយៗមក មានក្រុម អ្នកមនសិការ និយមភាពត្រឹមត្រូវ និយមមនុស្ស ស្រឡាញ់ មនុស្ស, មនុស្ស ត្រូវមាន គុណធម៌ ចំពោះមនុស្សដូចគ្នា ដែល គ្មានការរើសអើង អ្នកតូច អ្នកធំ ចេញធ្វើ សកម្មភាពមហាជន យ៉ាងផុសផុល ពាសពេញ សកលលោក ទើបធ្វើឲ្យ ចរិករបស់ ពួកអ្នកដឹកនាំ និងគ្រប់គ្រងក្រោយៗ រហូតរៀងមក ផ្លាស់ប្តូរ គំនិត ពីឃោរឃៅ ផ្តាច់ការ កាយវិការ ប្រជាភិថុតនិយម មកជាការដឹកនាំ បង្ហាញ ពីស្នាដៃ នៃការអភិវឌ្ឍន៏ សង្គមជាតិ ទៅតាម ការវិវឌ្ឍន៍ របស់ វិទ្យាសាស្រ្តវិញ ជាបន្តបន្ទាប់ រហូតរៀង មកដល់ បច្ចុប្បន្ននេះ ។

          ដូច្នេះ នាពេលបច្ចុប្បន្ននេះ ក្នុងនាមយើង ជាមេដឹកនាំក្តី ឬជាអ្នកគ្រប់គ្រងក្តី ត្រូវចេះ “អង្គុយឲ្យទាប និយាយឲ្យរាប បញ្ញាឲ្យវៃ” ស្វែងយល់ អំពី អត្តចរិក របស់បុគ្គល ទាំងឡាយណា ដែលកំពុងស្ថិតនៅ ជុំវិញខ្លួនយើង ជារៀងរាល់ថ្ងៃ ព្រោះមនុស្សគ្រប់គ្នា ទាំងអស់ សុទ្ធតែមាន ទស្សនៈ និងការយល់ដឹងផ្សេងៗ ពីគ្នា ។ អញ្ចឹងហើយ បានជា តម្រូវឲ្យ គ្រប់មេដឹកនាំ ឬអ្នកគ្រប់គ្រង ទាំងអស់ ជាមនុស្សពូកែខាងសង្កេត មើលមនុស្ស ប្រកបដោយ ភាពអត់ធ្មត់បំផុត ។

          បើដូច្នេះមែន វាច្បាស់ជាគ្រប់មេដឹកនាំ ឬអ្នកគ្រប់គ្រងទាំងអស់ ពិបាកនឹង ការវាយតម្លៃ មនុស្ស ជាក់ជាមិនខានឡើយ ។ ព្រោះមានមនុស្ស នៅក្រោមបង្គាប់ មានច្រើន រហូតដល់រាប់មិនអស់ ក៏មានដែរ? តើគ្រប់មេដឹកនាំ ឬអ្នកគ្រប់គ្រងទាំងអស់ ត្រូវមើលមនុស្សទាំងអស់នោះ តាមវិធីណាទៅ ? ។

          មកដល់ចំណុចត្រង់នេះ បើតាមការពិសោធរបស់ខ្ញុំផ្ទាល់ និងតាមការធ្លាប់អាន សៀវភៅ អំពី ក្បួនមើលទំនោរចិត្តមនុស្ស ទៅតាមទម្រង់ មុខមាត់ គឺខ្ញុំធ្លាប់បានចែក មនុស្ស ដែលនៅជុំវិញខ្លួន ជា ៤ជំពូក ដូចខាងក្រោម ៖

          ១-ជំពូកមនុស្ស ពូកែខាងគំនិត (រៀបចំយុទ្ធសាស្រ្ត) ៖ មនុស្សជំពូកនេះ ពុំសូវ ជាសម្បូរ ប៉ុន្មានទេ ហើយពួកគាត់ ក៏ពុំសូវចង់បង្ហាញមុខមាត់ ប៉ុន្មានដែរ គឺពួកគាត់ ចូលចិត្ត ផ្តល់គំនិត ហើយពួកគាត់ នឹងពេញចិត្តនៅជាមួយយើង នៅពេលពួកគាត់ យល់ថា យើងបាន ទទួលយកគំនិត របស់ពួកគាត់ ទៅអនុវត្ត ។

          ២-ជំពូកមនុស្ស ពូកែខាងអនុវត្ត (ធ្វើសកម្មភាព) ៖ មនុស្សជំពូកនេះ ក៏កម្រនឹង នៅជាមួយនឹង យើង (អ្នកដឹកនាំ ឬអ្នកគ្រប់គ្រង) ណាស់ ព្រោះមនុស្ស ជំពូកនេះ ត្រូវការ ឲ្យយើង (អ្នកដឹកនាំ ឬអ្នកគ្រប់គ្រង) យកចិត្តទុកដាក់ និងកិច្ចការ ដែលគេបានធ្វើ ជាមួយនឹង ការពិគ្រោះយោបល់ ជាមួយពួកគាត់ ឲ្យបានញឹកញាប់ លើសពីនេះ ទៅទៀត គឺ មនុស្សជំពូកនេះ ងាយនឹង បាក់ទឹកចិត្ត នៅពេលដែល គាត់ឃើញថា យើង (អ្នកដឹកនាំ ឬអ្នកគ្រប់គ្រង) ឲ្យតម្លៃ អ្នកផ្សេង ខ្ពស់ជាងពួកគាត់ ។

          ៣-ជំពូកមនុស្ស ពូកែខាងទ្រឹស្តី (គ្មានការអនុវត្តន៍) ៖ មនុស្សជំពូកនេះ សម្រាប់ សង្គមកម្ពុជា យើងបច្ចុប្បន្ន គឺ សម្បូរបែបណាស់ ហើយមនុស្សជំពូកនេះ ក៏មានលក្ខណៈ ប្រហាក់ប្រហែល នឹងមនុស្ស ជំពូកទី៤ដែរ តែមនុស្សជំពូកនេះ ពួកគាត់ ពូកែខាង បញ្ជូនសារ នយោបាយ និងចូលចិត្ត ឲ្យយើង (អ្នកដឹកនាំ ឬអ្នកគ្រប់គ្រង) ឧស្សាហ៍ ទំនាក់ទំនង ពួកគាត់ ឲ្យបានញឹកញាប់ ខ្លាំងណាស់ដែរ ។

          ៤-ជំពូកមនុស្ស ពូកែខាងអែបអប មេៗ (ល្អរូបភាព) ៖ មនុស្ស ជំពូកនេះ សម្បូរ ណាស់ តែយើង (អ្នកដឹកនាំ ឬអ្នកគ្រប់គ្រង) មិនសូវ ជាលំបាក និងគ្រប់គ្រង ពួកគាត់ ណាស់ណាទេ គឺគ្រាន់យើង (អ្នកដឹកនាំ ឬអ្នកគ្រប់គ្រង) ឧស្សាហ៍ហៅ ពួកគាត់ ទៅជាមួយ នៅពេលយើង (អ្នកដឹកនាំ ឬអ្នកគ្រប់គ្រង) ចុះទៅបំពេញការងារ ឬពិធីអ្វីមួយ ។ តែត្រង់នេះ ចូរ ! យើង (អ្នកដឹកនាំ ឬអ្នកគ្រប់គ្រង) ប្រយ័ត្នប្រយែង ការច្រណែន របស់ មនុស្ស ជំពូកទី២ខាងលើ ។

          តាមការរៀបរាប់ ខាងលើ សរឲ្យឃើញថា ៖ មនុស្សទាំងអស់ សុទ្ធតែមានប្រយោជន៏ ទាំងអស់ រៀងៗគ្នា តែវាគ្រាន់តែ ក្នុងនាមយើង ជាអ្នកដឹកនាំ ឬអ្នកគ្រប់គ្រង មាន ទេពកោសល្យ ក្នុងការដឹកនាំ ឬគ្រប់គ្រង ឲ្យស្រប តាមទំនោរ ចិត្តមនុស្សម្នាក់ៗ បានកំរិតណា ? ។ មកដល់ត្រង់នេះ តាមការពិសោធន៍ របស់ខ្ញុំ គឺខ្ញុំហ៊ាននិយាយថា “ក្នុងនាម ជាមេដឹកនាំ ឬអ្នកគ្រប់គ្រង ត្រូវមាន គោលវិនិច្ឆ័យ ច្បាស់លាស់ មិនត្រូវ ត្រចៀកស មិនត្រូវស៊ីជោរជ្រុល និងត្រូវប្រើមនុស្ស ឲ្យចំទំនោរចិត្ត របស់មនុស្ស”  ជៀសវៀង ការកើតឡើង នូវភាពច្រណែនគ្នា ដែលអាចនឹង នាំឲ្យ មាន វិវាទផ្ទៃក្នុង កើតមានឡើង ជាយថាហេតុ ៕

ស្នាព្រះហស្តព្រះករុណា នៅក្នុងទឹកដីខេត្តបាត់ដំបង

មុននឹង បរិយាយអំពី ស្នាព្រះហស្ត ព្រះករុណា នៅ ក្នុងទឹកដី ខេត្ត បាត់ដំបង យើងខ្ញុំ ជាកូន ជាចៅ ជាចៅទួត សូមលើក ហត្ថប្រណម បង្គំទូលថ្វាយ ដល់ដួង ព្រះវិញ្ញាណក្ខន្ធ ព្រះករុណា ដោយ ក្តីគោរព និង នឹកអាល័យ ស្រមៃ នឹកឃើញ នូវ ព្រះវិញ្ញាណ របស់ ព្រះករុណា មានព្រះជន្ម នៅជាប់ ជាមួយ យើងខ្ញុំ ជារៀងដរាប ។

          ព្រះអង្គអើយ! កូន ចៅ ចៅទួត មានអារម្មណ៍ ឈឺចាប់ ខ្លោចផ្សា អួលក្នុងចិត្ត ដោយ រកអ្វី នឹងថ្លែង បានឡើយ នៅពេលកូន ចៅ ចៅទួត ឮសូរពាក្យ សម្តី លោក កែប ជុតិមា អភិបាលនៃ គណៈអភិបាល រាជធានីភ្នំពេញ បានលើក ឡើងថា ៖ “ស្នាព្រះហស្ត ព្រះករុណា គឺក្រៅពីការ ទាមទារ ឯករាជ្យ ពីបារាំង និងការផ្សះផ្សា ជាតិ គឺពុំមាន សមិទ្ធផល អ្វីនៅសល់ទេ ព្រោះ ប៉ុល ពត បានបំផ្លាញ អស់ហើយ ហើយអ្វីដែល មានរហូត មកដល់ ពេលនេះ គឺសមិទ្ធផល ៧មករា ទាំងអស់” ។ ពាក្យសំដីនេះ ពិតជា ឃោរឃៅ មែន គឺពេល ព្រះករុណា នៅមាន ព្រះជន្ម គេបញ្ឈឺ ព្រះទ័យ ព្រះអង្គ ហើយ ពេល ព្រះករុណា យាងចូល ទីវង្គត គេតាម សម្លាប់ ព្រះកិត្តិនាម របស់ ព្រះអង្គ ទៀត ។ ដូច្នេះ ក្នុង នាមយើងខ្ញុំ ជាកូន ជាចៅ ជាចៅទួត តើមាន អ្នកណា អាចទប់ ចិត្តបាន ដោយមិន ធ្វើការ ឆ្លើយតបនោះ ? ក្នុងនាម យើងខ្ញុំ ជាកូន ជាចៅ ជាចៅទួត ពីខេត្ត បាត់ដំបង សូម ធ្វើការឆ្លើយ តបទៅ លោក កែប ជុតិមា វិញ ដោយសូម បង្ហាញនូវ សមិទ្ធផល ដែលជាស្នា ព្រះហស្ត របស់ព្រះករុណា ហើយទើបតែ ត្រូវបាន បំផ្លាញចោល នៅក្នុង សម័យ បច្ចុប្បន្ននេះ រួម មានជាអាទិ៍ ៖

១-រោងចក្រតម្បាញ ៖ នៅក្នុង ភូមិអូរតាគាំ១ សង្កាត់ទួលតាឯក ក្រុងបាត់ដំបង ដែល ទើបត្រូវបាន វាយកម្ទេចចោល នៅចុងឆ្នាំ២០០៩ ។

២-រោងចក្របាវក្រចៅ ៖ នៅភូមិសួសអី ឃុំពាមឯក ស្រុកឯកភ្នំ ដែលទើប ត្រូវបាន បិទចោល នៅឆ្នាំ២០០៧ ។

៣-រោងចក្រទឹកក្រូច ៖ នៅភូមិវត្តរំដួល សង្កាត់ចំការសំរោង ក្រុងបាត់ដំបង ត្រូវទុក ចោលរហូតដល់បច្ចុប្បន្ន ។

៤-រោងចក្រស្ករអំពៅ ស្ករស ៖ នៅភូមិដំណាក់ហ្លួង សង្កាត់វត្តគរ ក្រុងបាត់ដំបង ដែល ត្រូវបានទុកចោល រហូតដល់បច្ចុប្បន្ន ។

៥-មជ្ឈមណ្ឌល បណ្តុះបណ្តាល វិជ្ជាជីវៈខេត្តបាត់ដំបង ៖ នៅភូមិវាលបែកចាន សង្កាត់ ព្រែកព្រះស្តេច ក្រុងបាត់ដំបង  នៅដំណើរការ រហូតដល់បច្ចុប្បន្ន ។

៦-សាកលវិទ្យាល័យបាត់ដំបង ៖ នៅភូមិអូរខ្ជាយ សង្កាត់ ព្រែកព្រះស្តេច ក្រុងបាត់ដំបង នៅដំណើរការ រហូតដល់បច្ចុប្បន្ន ។

៧-សាលាវិទ្យាល័យ នេតយ៉ង់ ៖ នៅភូមិព្រែកព្រះស្តេច សង្កាត់ព្រែកព្រះស្តេច ក្រុងបាត់ដំបង នៅដំណើរការ រហូតដល់បច្ចុប្បន្ន ។

៨-សាលាវិទ្យាល័យ អ៊ាប ឃុត ៖ នៅភូមិរំចេក៤ សង្កាត់រតនៈ ក្រុងបាត់ដំបង នៅដំណើរការ រហូតដល់បច្ចុប្បន្ន ។

៩-ពហុកីឡដ្ឋាន ប្រដាល់ ៖ នៅភូមិកម្មករ សង្កាត់ស្វាយប៉ោ ក្រុងបាត់ដំបង ត្រូវព័ទ្ធរបងចោល នៅឆ្នាំ២០០៥ ។

១០-ក្លឹបជ័យជំនះ ៖ នៅភូមិកម្មករ សង្កាត់ស្វាយប៉ោ ក្រុងបាត់ដំបង ត្រូវប្រគល់ឈ្មួញធ្វើអាជីវកម្ម រហូតដល់បច្ចុប្បន្ន ។

និង១១-ព្រលានយន្តហោះ ៖ នៅភូមិរំចេក៤ សង្កាត់រតនៈ ក្រុងបាត់ដំបង នៅរហូតដល់ បច្ចុប្បន្ន តែត្រូវផ្អាកដំណើរការ ៕

គោលនយោបាយចាស់ ល្បិចបោកប្រាស់យកដីថ្មី !!!

          វាជារឿងគួឲ្យអស់សំណើចបំផុត ចំ ពោះភាសាលោក ហ៊ុន សែន ដែលបាន ស្រែក លើកដៃលើងជើងដូចយក្ស ល្ខោន ជាមួយសម្តីប្រជាភិថុតថា “គោលនយោ បាយចាស់ សកម្ម ភាពថ្មី”។ នេះជា ពាក្យដែលលោក ហ៊ុន សែន និងក្រុម លើកជើងគាត់ កំពុងពេញនិយម និយាយ បោកបញ្ឆោត ប្រជាកសិករម្ចាស់ឆ្នោត យ៉ាងច្រង៉េងច្រង៉ាងពេញគ្រប់កញ្ចក់ ទូរ ទស្សន៍ទាំងអស់។ តែតាមសភាព ពិត មិនអញ្ចឹងឯណា គឺជា “គោលនយោ បាយចាស់ ល្បិចបោកប្រាស់រឹប អូស យកដីថ្មី” ទេតើ។

          “គោលនយោបាយចាស់ ល្បិច បោកប្រាស់រឹបអូសយកដីថ្មី”  ត្រង់ថា ពីមុនគេឲ្យក្រុម ហ៊ុន និងមន្រ្តី របស់គេ ទៅដេញ ទៅបាញ់ដណ្តើម យកដីប្រជា កសិករឆៅៗតែម្តង តែពេល នេះ ក្រុម ហ៊ុន និងមន្រ្តីរបស់គេបាន ចូលទៅកាន់ កាប់ បានគ្រប់ចំនួនដែលគេត្រូការអស់ទៅ ហើយ ទើបគេបែមកប្រើ ល្បិចថ្មី មួយនេះ បន្តររឹបអូសយកដីមួយចំនួនទៀតដើម្បីបង្រ្គប់ តម្រូវរបស់ក្រុម ហ៊ុនបន្ថែមតាម របៀប ត្រជាក់វិញ។

          របៀបត្រជាក់មានន័យថា ពេលនេះមានប្រជាកសិករមួយចំនួនបានចំណាយលុយ ទិញដីស្រែចំការពីអាជ្ញាធរភូមិ-ឃុំ លើសពីប្រាំហិចតា ។ ដូច្នេះ ដើម្បីយក ដីពីប្រជា កសិករ ទាំងនោះបាន គឺតម្រូវឲ្យគេយកច្បាប់ភូមិ បាលមកធ្វើជាមូលដ្ឋាន ក្នុងការដក ហូតយកដី ប្រជាកសិករទាំងឡាយណាដែលមានដីលើសពី ប្រាំហិចតា ទៅឲ្យក្រុមហ៊ុន យ៉ាងស្ងៀម ស្ងាត់បំផុត។

          រីឯការចុះទៅអនុវត្តវាស់វែងដីឲ្យប្រជាកសិករ ដោយប្រើកម្លាំងយុវជនស្ម័គ្រចិត្តស្ថិត ក្នុងសំលៀកបំពាក់ទាហ៊ានទៀតសោធ ក៏ព្រោះគេមានគោលដៅ ៖

          ទី១-ជារូបភាពទូងស្គរបញ្ចេញឥទ្ធិពលគ្រួសារលោក ហ៊ុន សែន ព្រោះយុវជនទាំង នោះស្ថិតក្រោមការគ្រប់គ្រងរបស់កូនប្រុសលោក ហ៊ុន សែន, ទី២-ដោយគេមើល ឃើញ ថា កសិករដែលមានដីលើសពីប្រាំហិចតា ភាគច្រើនជាអ្នកមានលុយកាក់ធុនមធ្យម និង អ្នកខ្លះ ថែមទាំងមានខ្នងអ្នកធំជួយការពារ អញ្ចឹងត្រូវតែប្រើស្បែកទាហ៊ាន ជាការកម្លា។, ទី៣-ជា ឪកាសបង្វឹកយុវជនទាំងនោះឲ្យក្លាយជាទាហ៊ានស្ម័គ្រ ស្លាប់ជាមួយនឹង គ្រួសារ ត្រគូលហ៊ុន រួចក្រោយមកគេនឹងបញ្ជូនយុវជនទាំងនោះក្នុងសាលាទាហ៊ាន បន្ទាប់មក ទៀតគេនឹង បង្វិលមកចូលក្នុងស្ថាប័នទាហ៊ាន គ្រប់ទីតាំង រាជធានី-ខេត្ត ជាការឲ្យ កូន ប្រុសលោក ហ៊ុន សែន ងាយគ្រប់គ្រងក្រសួងការពារជាតិឲ្យបានរឹងមាំ, ទី៤-ជា ប្រជាភិថុតក្នុងការរក្សា សម្លេងគាំទ្រពីប្រជាកសិករក្រីក្រដែលធ្លាប់បានរងគ្រោះ ដោយ សារការបណ្តេញចេញពីដី ធ្លី ពីសំណាក់កម្លាំងប្រដាប់អាវុធ នៃរដ្ឋាភិបាលលោក ហ៊ុន សែន។

          បើដូច្នេះ សកម្មភាពដែលក្រុមលោក ហ៊ុន សែន កំពុងធ្វើនេះ វាប្រាកដជាមានន័យ ត្រឹមតែថា “គោលនយោបាយចាស់ ល្បិចបោកប្រាស់ថ្មី” តែប៉ុណ្ណោះ៕

ច្បាប់បោះឆ្នោតនៅកម្ពុជា ជាគ្រឿងលំអរបស់គណបក្ស ប្រជាជន !!!

        វាពុំមានអ្វីគួរឲ្យមន្ទឹលសង្ស័យ ឫ ពិបាកយល់នោះឡើយ នូវអ្វីដែល យើងនិយាយថា ច្បាប់ ស្តីពី ការ រៀបចំការបោះឆ្នោត នៅកម្ពុជា វាគ្រាន់ជាផ្នែកមួយ នៃការ បង្គ្រប់ នូវភាពស្របច្បាប់ឲ្យគណបក្ស ប្រ ជាជន ទាំងគូថនៅកណ្តាល វាល ដោយគ្មានការលាក់លៀម បន្តិច ណាឡើយ ទោះជាមាន មាត្រាខ្លះ បានចែងយ៉ាងច្បាស់ អំពី ទោស បញ្ញត្តិ ចំពោះ ជន ទាំង ឡាយ ណា ដែល បាន ប្រព្រឹត្ត ល្មើស និងច្បាប់ កំណត់។

          ឧទា ហរណ៍ ករណី លោក ម៉ក់ រ៉ា ជា សមាជិកក្រុមប្រឹក្សា សង្កាត់ទួលតាឯក ក្រុង-ខេត្តបាត់ដំបង កាលពីយុទ្ធនា ការ បោះ ឆ្នោតជ្រើសតាំងសមាជិកព្រឹទ្ធសភា នីតិទី៣ ខែ មករា ឆ្នាំ២០១២ កន្លងទៅនេះ ត្រូវ លោក ជាម ប៉េអា សមាជិកក្រុមការងារ គណបក្ស ប្រជាជនលួងលោមទិញទឹកចិត្តបង្គាប់ឲ្យ បោះឆ្នោតឲ្យគណបក្ស ប្រជាជន ដែលជាសកម្ម ភាពល្មើសនិងច្បាស់បោះឆ្នោត ត្រង់មា ត្រា ១២៩ថ្មី ចែងថា “ត្រូវផ្តន្ទាទោសពិន័យជាប្រាក់ ពីប្រាំលាន (៥.០០០. ០០០) រៀល ដល់ដប់លាន(១០.០០០.០០០)រៀល ឫ/និងត្រូវលុបឈ្មោះ ចេញពីបញ្ជីអ្នក បោះឆ្នោតសម្រាប់រយៈពេល៥ឆ្នាំ ចំពោះជនណាដែលបង្គាប់បញ្ជា ឫលួងលោម បោកបញ្ឆោតឲ្យអ្នកបោះឆ្នោតជ្រើសយកគណបក្សនយោបាយ តាមការចង្អុល បង្ហាញ ឫតាមមធ្យោបាយណាមួយផ្សេងទៀតក្នុងពេលបោះឆ្នោត” ។

          ដោយច្បាប់ស្តីពី ការបោះឆ្នោតបានចែងអញ្ចឹងទើបលោក ម៉ក់ រ៉ា ឆ្នើមជនគណបក្ស សម រង្ស៊ី ខេត្តបាត់ដំបង បានធ្វើការថតសម្លេងលោក ជាម ប៉េអា ដែលមានគំនិត ទុច្ចរិតមក លើរូបគាត់ ដោយបានធ្វើការលួងលោមឲ្យគាត់(ម៉ក់ រ៉ា) បោះឆ្នោតគណបក្ស ប្រជាជន ជា ថ្នូនឹងទឹកប្រាក់ចំនួន ៣០០ដុល្លារ ហើយតម្រូវឲ្យផ្តិតមេដៃទទួលប្រាក់ថា ជាប្រាក់កម្ចី របស់ លោក ជាម ប៉េអា ។

          ករណីនេះ លោក ជា ជីវ ក្នុងនាមតំណាងគណបក្ស សម រង្ស៊ី ខេត្តបាត់ដំបង បាន ធ្វើការប្តឹងផ្តល់ទៅលេខាធិការដ្ឋានរៀបចំការបោះឆ្នោតខេត្តបាត់ដំបង ដើម្បីសុំឲ្យមាន វិធាន ចំពោះបទល្មើសរបស់បុគ្គល ជាម ប៉េអា នេះ។ ពេលនោះ លេខាធិការដ្ឋាន រៀបចំការ បោះឆ្នោត ខេត្ត បានកាត់ក្តីឲ្យលោក ម៉ក់ រ៉ា ឈ្នះ ដោយឲ្យលោក ជាម ប៉េអា បង់ប្រាក់ ចំនួន ប្រាំលាន(៥.០០០.០០០)រៀល។

          ប៉ុន្តែករណីដដែលខាងលើនេះ ក្រោយមកត្រូវលោក ជាម ប៉អា ដាក់ពាក្យបណ្តឹង ទៅលោក ម៉ក់ រ៉ា វិញ ពីបទ លូចថតសម្លេងឯកជន។ រហូតមកដល់ថ្ងៃទី២៥ ខែកញ្ញា ឆ្នាំ២០១២នេះ តុលាការខេត្ត បាត់ដំបង បានចេញដីការដាក់លោក ម៉ក់ រ៉ា ឲ្យស្ថិតនៅ ក្រោមការត្រួតពិនិត្យតាមផ្លូវតុលាការ ទៅវិញ ដែលផ្ទុយស្រឡះទៅនឹងច្បាប់បោះឆ្នោត ព្រោះការថតរបស់លោក ម៉ត់ រ៉ា វាគ្រាន់តែជាការប្រមូលភស្តុកតាង ដើម្បីដាក់បន្ទុក ទៅលើ ជនល្មើស បុគ្គល ជាម ប៉េអា ដែលបានធ្វើសកម្មភាព បំពានទៅនិងច្បាប់បោះ ឆ្នោតបាន ហាមឃាត់ ពុំមែនជាសកម្មភាព ថតសម្លេងឯកជន ឯណា?។

          បើដូច្នេះ តើច្បាប់បោះឆ្នោតបង្កើតឡើងមានន័យអ្វី? ឫច្បាប់បោះឆ្នោតនេះ បង្កើត ដើម្បីបំពេញភាពស្របច្បាស់ឲ្យគណបក្ស ប្រជាជន លោក ហ៊ុន សែន ??